គ្រឿងផ្សំ ៖
- សាច់មាន់ ៣-៤ខាំ
- ស្នូលពោត ២ខាំ
- ផ្សិតចំបើង ឬផ្សិតអ្វីដែលអ្នកចូលចិត្តក៏បាន ៥ខាំ ។ ដាក់ផ្សិតច្រើនព្រោះផ្សិតងាយទ្រោបពេលស្ងោរ ។
- ខ្ទិះដូង មួយចំហៀងដូង
- គល់ស្លឹកគ្រៃ ៤គុម្ព
- ខ្ចី ១គុម្ព តូច
- ម្ទេស ៤-៥ផ្លែរ
- ក្រូចឆ្មា ១ ផ្លែរ
- គល់វ៉ាន់ស៊ុយ ១ បាច់តូច
- ទឹកត្រី ស្ករផែន១ផែន អំបិល ខ្លាញ់ម្ទេស
- ហាន់សាច់មាន់ជាចំណិតៗ ។ អាចយកតែសាច់សុទ្ធ ឬសាច់មាន់មួយចំហៀងក៏បាន ។
- កាត់គល់ស្លឹកគ្រៃ រួចដំអោយវាបែកបន្តិច ។ ពុះខ្ញី ជា ២ចំរៀក
- ហាន់ផ្សិត ជាបំណែកតូចៗ ។ ពុះស្នូលពោតជាពីរ ឬជាបួន ។ ហាន់ម្ទេសជាពីរកំណាត់ ។
- ច្របាច់ខ្ទិះដូង ឬនៅផ្សារគេមានទឹកខ្ទិះច្របាច់រួចស្រេច ។ យកខ្ទិះដើមមកប្រើ ។
- ដាំទឹក មួយចានសម្លរ ឬ ប្រមាណ ១លីត្រ ។
- ពេលទឹកពុះ ដាក់គល់ស្លឹកគ្រៃ អំបិល១ស្លាបព្រាកាហ្វេ និងខ្ញីចូល ។ ទុកអោយទឹកពុះ ២នាទី ។
- រួចចាក់ខ្ទិះដូងទាំងអស់ចូល ។ ដាក់សាច់មាន់ចូលបន្ទាប់ ។ ដាក់ស្ករត្នោតកន្លះផែន និងច្របាច់ក្រូចឆ្មារមួយផ្លែរចូល ។ រំងាស់រហូតសាច់មាន់ឆ្អិនល្អ ឬរយៈពេលប្រមាន ៥-១០នាទី ។
- ពេលសាច់មាន់ឆ្អិនហើយ ដាក់ស្នូលពោត និងផ្សិតចូល រួចរំងាស់ ២នាទីទៀត ។ ពេលឆ្អិនរួចរាល់ហើយចាក់ទឹកប្រេងម្ទេស ស្រោចពីលើដើម្បើអោយវាមានពណ៌ឆ្អិនឆ្អៅ និងគួរអោយស្រក់ទឹកមាត់ ។ យើងអាចទិញខ្លាញ់ម្ទេសពីផ្សារ ឬធ្វើខ្លួនឯង ។ ការធ្វើខ្លាញ់ម្ទេសគឺងាយស្រួលទេ។ យកម្ទេសក្រៀមបុកអោយម៉ត់ រួចយកទៅរំលីងជាមួយប្រេងឆា ឬប្រេងអូលីវ អោយបានច្រើន។ ពេលរំលីងខ្លាញ់នឹងប្រែរពណ៌ក្រហម ែដលចេញពីម្ទេសក្រៀម ។ ច្រកទុកដាក់ដបជាការស្រេច ។
- ពេលទទួលទាន់ ដួសដាក់ចាន រួចដាក់ជីវ៉ាន់ស៊ុយពីលើអោយឈ្ងុយ និងទទួលទានជាមួយទឹកត្រីម្ទេសហឹរៗ ។ រសជាតិសម្លរ គឺខ្ទិះជូរអែម ។
No comments:
Post a Comment